Правила за поставување преводи

Под преработка се вклучени јазичните и граматичките поправки, како и додавањето на дел од филмскиот превод којшто недостасувал во изворниот превод.

Ваквиот „преработен“ превод нема да го прифатиме како авторски.

Секако, покрај задржаниот авторски потпис вие ќе можете да го допишете вашето име или потпис со посочување дека сте извршиле преработка на веќе постоечки филмски превод.

НАПОМЕНА: истите услови за задржување на авторскиот потпис важат и во случај кога вршите доработка на временската скрипта и прилагодување на преводот кон друга видео верзија (рилиз). Овде, промените на временската скрипта се однесуваат и на комплетно обновена изработка на временската скрипта, а не само на поместувањето на времињата за неколку секунди нанапред или наназад.

Бидејќи на веб-сајтот постои опција за оставање коментар, по извршената преработка или доработка на одреден филмски превод слободно можете да напишете коментар и да посочите на сѐ она што вие сте го измениле и дополниле, а со цел да им олесните на оние коишто се во план да го „симнат“ преводот.

Исто така, доколку пронајдете превод без авторски потпис на друг веб-сајт и сакате истиот да го поставите овде, не потпишувајте се вие како преведувач или автор на истиот.

Непочитувањето на ова правило резултира со бришење на спорниот превод во најкраток можен рок и банирање на одговорниот член без какво било образложување!

  2.    Забрането е дуплирање на преводи. Пред секое поставување на превод задолжително проверете дали таков превод постои на сајтот. Доколку постои, немојте да поставувате дупликат бидејќи со претерано поставување на едни исти преводи не се добива ама баш ништо освен преоптоварување на базата и нејзина непрегледност. За непочитување на ова правило добивате опомена(3 опоменувања = БАН)

  3.    Забрането е во самиот превод во форма на потпис/реклама да се рекламираат други страници, особено поставување адреси на страници кои содржат пиратерија, сето ова согласно правилото 10 од Pravila ponašanja na forumu, а во врска и со правилото 18. (3 опоменувања = БАН)

  4.    Доколку некој превод сте го прилагодиле за некоја верзија ЗАДОЛЖИТЕЛНО тоа да го напишете во полето "Release/Izdanje/Верзија". Преводите кои содржат и наслов и зборови како Подесен, среден, синхронизиран, исправен, а без да се наведе за која верзија се работи, ќе бидат избришани.

  5.   Забрането е поставување на преводи кои не се на некој од Екс-ЈУ јазиците или англиски. Тука спаѓа забраната за поставување разни бугарски, руски, полски преводи под македонско знаме. 

  6. НАЈСТРОГО е забрането поставување преводи кои се правени со некој програм за преведување, (како google translator)!!!! (3 опоменувања = БАН) 

  7. Забрането е поставување пакет-преводи за ФИЛМОВИ. Што значи ова? Доколку некој филм има повеќе продолженија, НЕМОЈТЕ да ги ставате преводите за сите продолженија во еден ZIP/RAR, туку поставете го секој превод за секое поединечно продолжение посебно, секако доколку истиот НЕ постои на сајтот.